მეცხრე დღე

დღეს გვაქვს ტრენინგის შემაჯამებელი დღე - ჯგუფში წარვადგინეთ ჩვენი პროექტები და მოვისმინეთ ყველა მონაწილის პრეზენტაცია.

მინდა აღვნიშნო, რომ ტრენინგმა ჩემთვის ნამდვილად გაამართლა - გადავწყვიტე, მომდევნო სემესტრში ჩემი პროექტი აუცილებლად განვახორციელო და ამჯერად უკვე რეალური პროექტის მასალები ავტვირთო ბლოგზე.

განსაკუთრებული მადლობა ჩვენს ტრენერს, ქალბატონ მანანა კვინიკაძეს, რომელმაც ეს საკმაოდ რთული ტრენინგი პროფესიონალურად, ყურადღებიანი დამოკიდებულებითა და მეგობრულ ატმოსფეროში წარმართა.

ბლოგის ყველა სტუმარს გილოცავთ დამდეგ შობა-ახალწელს და ბედნიერ 2014 წელს გისურვებთ! :)

მერვე დღე

• შევქმენით ფასილიტაციის ნიმუში პროექტში ჩართული მოსწავლეებისათვის.
• ავტვირთეთ პროექტის პორტფოლიო Drive-ზე და გამოვაქვეყნეთ ბლოგზე (იხ. მარჯვნივ )
• ვისწავლეთ გამოკითხვის შექმნა Google Drive-ზე.
• შევადგინეთ ჩვენს პროექტთან დაკავშირებული კითხვარი, რომელიც ავტვირთეთ ბლოგზე (იხ. ზემოთ)

მეშვიდე დღე

• ვისაუბრეთ პროექტის გეგმით გათვალისწინებულ პროცედურებზე.
• გავეცანით პრეზენტაციას გარდნერის ინტელექტის სხვადასხვა ტიპებისა და სწავლის დროს განსხვავებების შესახებ.
• შევქმენით მოსწავლეთა თვითშეფასების სქემა ჩვენი პროექტისთვის.
• შევქმენით დამხმარე რესურსი მოსწავლეთა საჭიროებების გათვალისწინებით.
• პროექტის გეგმაში შევავსეთ დიფერენცირებული სწავლების გრაფები და აღვწერეთ სპეციალური საჭიროებების, არაქართულენოვანი და მაღალი აკადემიური მოსწრების მოსწავლეთა პროექტში მონაწილეობის დამხმარე საშუალებები.

დავიღალე!

მეექვსე დღე

• დრაივზე ერთმანეთს გავუზიარეთ ჩვენ მიერ შექმნილი მოსწავლის ნიმუშები და დავაკომენტარეთ ერთმანეთის ნამუშევრები.
• შევქმენით მოსწავლის ნიმუშის შეფასების რუბრიკა.
• შევავსეთ თვითშეფასების რუბრიკა.
• ვისწავლეთ ბლოგზე გვერდების ჩამატება.

მეხუთე დღე

• ვისაუბრეთ საავტორო უფლებებზე და მათი დაცვის აუცილებლობაზე, გავეცანით გამოყენებული მასალის წყაროსა და ავტორის მითითების წესს.
• ვისწავლეთ ფაილის ჩასმა PP-პრეზენტაციაში - მეტად საჭირო და პრაქტიკული რამ!
• შევქმენით მოსწავლის ნიმუში (ჩემ შემთხვევაში - კითხვარი), რომელიც ავტვირთეთ დრაივზე და გამოვაქვეყნეთ ბლოგზე.

მოსწავლის ნიმუში

მეოთხე დღე

დღევანდელი ტრენინგი ძალიან საინტერესო და ნაყოფიერი აღმოჩნდა:

• გავეცანით შეფასების ხუთ ძირითად მიზანს, ვისაუბრეთ შეფასების მეთოდებსა და სტრატეგიებზე;
• შევქმენით ჩვენი პროექტის შეფასების დროის ჩარჩო და დავიწყეთ მუშაობა შეფასების ინსტრუმენტების მოკლე მონახაზზე;
• შევქმენით პროექტის PowerPoint -პრეზენტაცია.

მესამე დღე

               დღეს კი

• ვიმუშავეთ პროექტის ამოცანების ფორმულირებაზე და შევავსეთ შესაბამისი გრაფა გეგმის შაბლონში

• გავეცანით "ვიუერში" არსებულ დოკუმენტებსა და პრეზენტაციას ზოგადი, თემატური და შინაარსობრივი კითხვების შესახებ

• შევადგინეთ ჩვენი პროექტის საკვანძო კითხვები 

მეორე დღე

დღეს (ანუ გუშინ, 30 ნოემბერს)

• მოვისმინეთ და დავამუშავეთ საპროექტო იდეები

• შევქმენით საკუთარი პროექტის მონახაზი

• პროექტის გეგმაში ჩავწერეთ ეროვნული სასწავლო გეგმიდან და 21-ე საუკუნის უნარ-ჩვევებიდან ამოღებული სტანდარტები შესაბამისი ინდიკატორებით

• გავეცანით „ვიუერში“ არსებულ გამოცემებს და დავიწყეთ მუშაობა საკუთარი ბუკლეტის შექმნაზე (რაც ინტერნეტის უქონლობის გამო ვერ დავასრულეთ)

პირველი დღე

ტრენინგის პირველი დღე საინტერესო იყო უპირველეს ყოვლისა "ვიუერის" გაცნობითა და მასში მუშაობის შესწავლით. ეს არის საკმაოდ ინფრომატული და სტრუქტურულად კარგად გამართული რესურსი, რომელიც, დარწმუნებული ვარ, სერიოზულ დახმარებას გაგვიწევს ტრენინგის ფარგლებში პროექტზე მუშაობისას.

შევქმენით პროექტის პორტფოლიო და გავეცანით რამდენიმე დამხმარე დოკუმენტს, როგორიცაა, მაგალითად, პროექტისა და პორტფოლიოს ჩეკლისტები, პროექტის გეგმის შაბლონი.

თვალი გადავავლეთ რესურსებში არსებულ ერთ-ერთი პროექტის გეგმას და დავიწყეთ ფიქრი ჩვენი პროექტის იდეაზე.  :)